Bu gün Azərbaycanın Ümummilli lideri Heydər Əliyevin nəvəsi, Azərbaycan Respublikasının Prezidenti İlham Əliyevin oğlu Heydər Əliyevin doğum günüdür. Prezident İlham Əliyevin oğlu Heydər Əliyevi 23 yaşı tamam olması münasibəti ilə Respublika Veteranlar Təşkilatının rəhbərliyi və çoxsaylı veteranlar adından səmimi qəlbdən təbrik edir, ona gələcək həyat və fəaliyyətində uğurlar diləyirik. Xatırladaq ki, Heydər İlham oğlu Əliyev 3 avqust 1997-ci  ildə Bakı şəhərində anadan olub. Orta məktəbi 2013-cü ildə bitirdikdən sonra Azərbaycan Diplomatiya Akademiyasına yüksək bal toplayaraq qəbul olan Heydər Əliyev “Beynəlxalq münasibətlər” ixtisası üzrə təhsil alıb.   Hörmətlə: Respublika Veteranlar Təşklatının sədri general-polkovnik  Tofiq Ağahüseynov

Respublika Veteranlar Təşkilatının əməkdaşları Mərdəkanda yerləşən Müharibə və Əmək Veteranları Respublika Xəstəxanasında oldular. Respublika Veteranlar Təşkilatının sədr müavini, e.o polkovnik Cəlil Xəlilov xəstəxananın baş həkimi Xuraman Zamanova ilə birlikdə xəstələri ziyarət etdi, onlara hansı səviyyədə tibbi xidmət göstərilməsi ilə tanış oldu. Böyük Vətən müharibəsi veteranı Fatma Səttarova görüş zamanı xəstəxanada veteranlar üçün yaradılmış şəraitdən razılığını bildirdi. Digər veteranlar da xəstəxanada  xüsusi  diqqət və qayğıya ilə əhatə olunduqlarını bildirdilər. Müharibə və Əmək Veteranları Respublika Xəstəxanasının baş həkimi Xuraman Zamanova xəstəxanada yaradılmış şərait haqqında qonaqlara ətraflı məlumat verdi. Bu müalicə ocağının veteranların  sağlamlığının bərpa edilməsində əvəzsiz xidmətləri olduğunu bildirdi. O, gələcəkdə xəstəxanın fəaliyyətinin daha da yaxşılaşdırlacağına, maddi bazasının gücləndiriləcəyinə əminlik ifadə etdi. Xəzər Rayon Veteranlar Təşkilatının sədri Nüsrət İbrahimov da öz növbəsində xəstəxana rəhbərliyinə minnətdarlığını bildirdi. Həmçinin Xəzər Rayon Veteranlar Təşkilatının iş otağının da xəstənada yerləşdiyini bildirdi. Respublika Veteranlar Təşkilatının sədr müavini Cəlil Xəlilov veteranlar adından Xəstəxanın kollektivinə təşəkkürünü çatdırdı. O, Təşkilatın Rəyasət heyətinin qərarı ilə Xuraman Zamanovanın “Veteran Həmrəyli” medalı ilə təltif edildiyini bildirdi və medalı sahibinə təqdim etdi.

Veteran.gov.az xəbər verir ki, “Azərbaycan Xəzər Dəniz Gəmiçiliyi” QSC (ASCO) və Medianın İnkişafı Agentliyinin (MEDİA) birgə təşkilatçılığı ilə jurnalistlər üçün təlim keçirilib.  Azərbaycan Dövlət Dəniz Akademiyasında (ADDA) təşkil olunan təlimdə 20 müxtəlif çap və online mediasını təmsil edən jurnalist iştirak edib. ASCO-nun İctimaiyyətlə əlaqələr departamentinin rəisi Mehman Mehdiyev təlimin əsas məqsədinin KİV nümayəndələrinin gəmiçilik barədə daha dolğun məlumatlandırılması, hazırlanan jurnalist materiallarında sahənin spesifik xüsusiyyətlərinin, dənizçiliklə bağlı əsas çağırışların, eləcə də bu istiqamətdə görülən işlər barədə məlumatların cəmiyyətə düzgün çatdırılması məqsədilə media institutları ilə əməkdaşlığın gücləndirilməsindən ibarət olduğunu bildirib. O əlavə edib ki, belə təlimlər gələcəkdə silsilə şəkildə təşkil olunacaq.   Medianın İnkişafı Agentliyinin nümayəndəsi Pərvanə İbrahimova bildirib ki, təmsil etdiyi qurum jurnalistlərin peşəkarlığının artırılmasına, onların sahəvi biliklərin inkişaf etdirilməsinə, dövlət qurumlarının media subyektləri ilə əməkdaşlığının gücləndirilməsinə xüsusi önəm verir və bunu daim diqqətdə saxlayır. Bu məqsədlə müxtəlif qurumlarla birgə mütəmadi təlimlər təşkil olunur. Pərvanə İbrahimova ASCO ilə birgə keçirilən təlimin də bu baxımdan jurnalistlər üçün faydalı olacağına əminliyini ifadə edib Təlim çərçivəsində ADDA-nın Elmi işlər və beynəlxalq əlaqələr üzrə prorektoru Vüqar Sadıqov, “Dəniz naviqasiyası“ kafedrasının müdiri, uzaq səfərlər kapitanı Həzi Nəbiyev jurnalistlərə gəmiçilik haqqında materiallar hazırlanarkən nəzərə alınması vacib olan məqamlar haqqında bir sıra məlumatlar veriblər. Bundan başqa, təlimçilər ASCO-nun dəniz nəqliyyatı sahəsində rolu, gəmiçilik fəaliyyəti ilə bağlı yerli və beynəlxalq tələblər, bu sahədə Prezident İlham Əliyevin rəhbərliyi ilə görülən işlər barədə təqdimatlarla çıxış ediblər.    İnteraktiv formada keçən təlim zamanı jurnalistlərin fikirləri dinlənilib, onları maraqlandıran suallar cavablandırılıb. Yekunda  iştirakçıların təlimi necə mənimsədiyini müəyyənləşdirmək məqsədilə qiymətləndirmə aparılıb. Təqdimatlara uyğun jurnalistlərə 20 sual verilib. “Azadmedia.az” saytından Elnurə Abuşova, “Manşet.az” saytından Gülçin Nağıyeva, “Calibr.az” saytından Timur Rzayev suallardan 18-nə düzgün cavab verməklə ən yüksək nəticə göstəriblər.   Sonda təlimdə iştirak edən jurnalistlərə ASCO və MEDİA adından sertifikat təqdim olunub.

Veteran.gov.az xəbər verir ki, Müharibə, Əmək və Silahlı Qüvvələr Veteranları Təşkilatın  Gənclərin  vətənpərvərlik tərbiyəsi və ideoloji hazırlığı şöbəsinin əməkdaşları - şöbə müdiri ehtiyatda olan  polkovnik Adil Haqverdiyev və  baş  mütəxəssis Nəbi Hacıyev 26 fevral 2024-cü il tarixində Xətai rayonunda tədbir təşkil ediblər. Tədbir Xətai rayonunda yerləşən 86 saylı tam orta məktəbdə baş tutub. Xocalı soyqırımının 32-ci ildönümü ilə əlaqədar tədbirdə  Xətai rayon VT-nın sədri Adil Əzməmmədov, məktəbin direktoru Cavid Əliyev, hərbi hazırlıq müəllimi e/o polkovnik-leytenant, ZöhrabHacıyev, müəllimələrdən Nəzakət Cahangirova, Ülviyyə Əsgərova, şagirdlər və valideynlər iştirak etdilər. Əvvəlcə Xocalı qurbanlarının və torpaqlarımızın bütövlüyü uğrunda canlarından keçmiş şəhidlərimizin ruhları bir dəqiqəlik sükutla yad edildi. Tədbir Azərbaycan Respublikasının Dövlət Himninin səslənməsi ilə başlayıb. Tədbiri açıq elan edən məktəbin direktoru Cavid Əliyev iştirakçılara Xocalı faciyəsi barədə ətraflı müəlumat verib. Daha sonra çıxış üçün söz e/o polkovnik Adil Haqverdiyevə verilib. Adil Haqverdiyev Təşkilatın sədri Fatma Xanım Səttarovanın və sədr müavini e/o polkovnik Cəlil Xəlilovun salamlarını tədbir iştirakçılarına çatdırıb. Polkovnik daha sonra Xocalı faciəsindən bəhs edib: “Xocalı faciəsinə aparan yol hələ XX əsrin əvvəllərindən başlamışdı. Bu yaşayış məntəqəsinin azərbaycanlı əhalisi bir əsrdə 3 dəfə qırğınlara məruz qalmışdır. Xocalı birinci dəfə 1905-ci ildə, sonra isə1918-ci ildə yandırılmışdı. Nəhayət, 1992-ci ildə Xocalıda üçüncü dəfə daha qanlı, daha dəhşətli faciə törədilmişdir. Biz faciələrimizi unutmamalıyıq, hər zaman ayıq-sayıq olmalıyıq”. Daha sonra  şagirdlərin təqdimatında ədəbi-bədii kompozisiya nümayiş etdirilib, xatirə şəkli çəkilib.