Avqust ayının 26-sı Azərbaycan Respublikasının Birinci vitse-prezidenti xanım Mehriban Əliyevayanın doğum günüdür. Bu münasibətlə Azərbaycan Respublikası Müharibə, Əmək və Silahlı Qüvvələr Veteranları Təşkilatının sədri polkovnik Cəlil Xəlilov Mehriban xanım Əliyevaya təbrik məktubu ünvanlayıb. Məktubda deyilir: “Hörmətli Mehriban xanım! Sizi doğum gününüz münasibəti ilə bütün veteranlar və şəxsən öz adımdan təbrik edir, Sizə xalqımız və dövlətimiz üçün müstəsna əhəmiyyət kəsb edən fəaliyyətinizdə yeni-yeni uğurlar arzulayırıq. Sizin xalqımızın sosial rifahının yaxşılaşması, respublikamızın çiçəklənməsi, ölkəmizin inkişafı, mənəvi-mədəni dəyərlərimizin təbliği istiqamətində atdığınız addımlar, ortaya qoyduğunuz əzm və fədakarlıq cəmiyyətimizin bütün təbəqələri kimi veteranlar tərəfindən də alqışlanmaqda, sevgi və məmnunluqla izlənməkdədir. Şəhid ailələrinə, müharibə əlillərinə, veteranlara, eləcə də, həssas kateqoriyadan olan digər vətəndaşlarımıza olan mütəmadi dəstəyiniz, həssas və qayğıkeş münasibətiniz cəmiyyətimizin hər bir fərdi üçün örnək təşkil edir. İstər ölkə daxilində, istərsə də respublikamızın hüdudlarından kənarda həyata keçirdiyiniz humanitar aksiyalar Sizin necə böyük və  nəcib qəlbə malik olduğunuzu göstərir. Bütün bu xeyirxah əməlləriniz sayəsində bütün dünya Sizin simanızda Azərbaycan qadınının nəcibliyinə, humanizminə, ülviliyinə həsəd aparır. Sadəcə veteranlara göstərdiyiniz qayğı və diqqətə görə deyil, həm də Azərbaycan qadını adına layiq həyata keçirdiyiniz saysız-hesabsız xeyirxah əməllərinizə görə Sizə təşəkkür edir, öz minnətdarlığımızı bildiririk. Dəyərli Mehriban xanım! Sizi xalqımıza sevdirən əsas xüsusiyyətlərinizdən biri də Azərbaycan Respublikasının Prezidenti - Müzəffər Ali Baş Komandana verdiyiniz böyük dəstəkdir. Biz bu dəstəyi həm 44 günlük Vətən müahribəsində, həm də post-müharibə dönəmində aydın şəkildə müşahidə etdik. Siz öz əməlləriniz, cəsarət və iradənizlə sübut etdiniz ki, Ali Baş Komandanın ən sadiq silahdaşısınız və ona sonadək dəstək olmaqda davam edəcəksiniz. Bu gün işğaldan azad edilmiş torpaqlarımızda tarixi və mədəni abidələrimizin bərpasındakı fəaliyyətiniz bütün dünyada heyranlıqla izlənilməkdədir. Hörmətli Mehriban xanım! Sizi bir daha döğum gününüz münasibətilə təbrik edir, Sizə möhkəm cansağlığı, uzun ömür, zəngin və çoxşaxəli fəaliyyətinizdə uğurlar arzulayırıq. Əmin ola bilərsiniz ki, biz veteranlar bundan sonra da Prezident İlham Əliyevin və Sizin həyata keçirdiyiniz siyasəti dəstəkləməkdə davam edəcəyik”. Veteran.gov.az  

İyulun 24-də Azərbaycan Respublikasının Baş prokuroru, II dərəcəli dövlət ədliyyə müşaviri Kamran Əliyevin rəhbərliyi ilə Azərbaycan Respublikasının Hərbi Prokurorluğunda 2020-ci ilin birinci yarımilində cinayətkarlığa qarşı mübarizə, qanunçuluq və hüquq qaydasının möhkəmləndirilməsi, insan və vətəndaş hüquq və azadlıqlarının qorunması sahəsində görülmüş işlərin vəziyyətinin və qarşıda duran vəzifələrin müzakirəsinə həsr olunmuş əməliyyat müşavirəsi keçirilib.   Modern.az-ın məlumatına görə, giriş nitqi ilə çıxış edən Baş prokuror Kamran Əliyev, xalqımızın ümummilli lideri Heydər Əliyevin müdrik siyasətini davam etdirən, Azərbaycanın sürətli inkişaf strategiyasını uğurla həyata keçirən dövlət başçısı cənab İlham Əliyevin rəhbərliyi ilə ölkəmizin sosial-iqtisadi, ictimai-siyasi, mədəni və digər sahələrdə əldə olunmuş nəaliyyətlərdən bəhs edərək, ölkədə aparılan islahatlar və mütərəqqi dəyişikliklər nəticəsində dövlətimizin daha da qüdrətlənməsini bildirib. Eyni zamanda, Baş Prokuror dövlətimizin güclənərək əldə etdiyi uğurlarda Azərbaycan Respublikasının Birinci vitse-prezidenti Mehriban xanım Əliyevanın çoxşaxəli fəaliyyətinin mühüm rolunu qeyd etməklə, Azərbaycanla beynəlxalq təşkilatlar arasında qarşılıqlı faydalı əlaqələrin yaranması, milli-mənəvi dəyərlərimizin, o cümlədən mədəniyyətimizin bütün dünyaya tanıdılmasında misilsiz xidmətlərini xüsusi vurğulayıb.   Həmçinin, Baş prokuror mayın 1-də Prezident cənab İlham Əliyevin videoformatda qəbulu zamanı verdiyi tapşırıq və tövsiyələri, bununla əlaqədar qarşıda duran vəzifələrin icrasını, o cümlədən prokurorluq orqanlarında həyata keçirilən səmərəli islahatları qeyd edərək, bu prosesin uğurlu davam etdirildiyini bildirib. Bundan sonra, hesabat məruzəsi ilə çıxış edən Azərbaycan Respublikası Baş prokurorunun müavini–Azərbaycan Respublikasının Hərbi prokuroru, ədliyyə general-leytenantı Xanlar Vəliyev göstərib ki, ötən dövrlərdə olduğu kimi, 2020-ci ilin birinci yarımilində də Hərbi Prokurorluq orqanlarının fəaliyyəti səmərəli olmuş, görülmüş məqsədyönlü tədbirlərin nəticəsində qeydə alınmış cinayətlərin 99,5 faizi açılmışdır. Qeyd edilmişdir ki, hesabat dövründə insan hüquq və azadlıqlarının daha etibarlı müdafiəsi və bununla əlaqədar həyata keçirilən tədbirlərin səmərəliliyinin artırılması, Silahlı Qüvvələrdə nizam-intizamın davamlılığının təmin edilməsi, cinayətkarlığın və digər hüquqazidd əməllərin qarşısının alınması məqsədilə aidiyyatı dövlət qurumları ilə birgə bir sıra işlər görülmüş, nəticədə qeydə alınmış cinayətlər ötən ilin eyni dövrü ilə müqayisədə ümumilikdə 37% azalmışdır. Vurğulanıb ki, hesabat dövründə prokurorluqda vətəndaşların müraciətlərinə baxılmasının səmərəliliyinin artırılması üzrə ardıcıl və sistemli iş aparılmaqla, daxil olmuş müraciətlərə daha diqqətlə yanaşılaraq qaldırılan məsələlərin həlli istiqamətində tədbirlər görülmüşdür.   Çıxışının sonunda Xanlar Vəliyev bildirmişdir ki, Hərbi Prokurorluğun kollektivi Silahlı Qüvvələrdə hərbi intizamın, qanunçuluğun və hüquq qaydasının daha da möhkəmləndirilməsi istiqamətindəki fəaliyyətinin səmərəliliyini daim artıracaq, insan hüquq və azadlıqlarının etibarlı müdafiəsində, cinayətkarlığa və digər qanun pozuntularına qarşı mübarizədə üzərinə düşən bütün vəzifələri ləyaqətlə yerinə yetirəcəkdir. Əməliyyat müşavirəsinə yekun vuran Baş prokuror Kamran Əliyev, prokurorluq orqanları əməkdaşlarının möhtərəm Prezident cənab İlham Əliyevin rəhbərliyi ilə görülən işlərdə və həyata keçirilən məhkəmə-hüquq islahatlarında yaxından iştirak edəcəklərini, dövlət müstəqilliyinin, ictimai-siyasi sabitliyin qorunması, qanunun aliliyinin təmin edilməsi üçün əllərindən gələni əsirgəməyəcəklərini, eləcə də dövlətimizin qüdrətlənməsinə xələl gətirə biləcək bütün hallara qarşı barışmaz mövqe tutacaqlarını diqqətə çatdırıb.

Veteran.gov.az xəbər verir ki, mayın 24-dən 26-dək Bakıda, Ritz-Carlton otelində keçirilən ilk Milli Endokrinologiya Konfransı yüksək səviyyədə yekunlaşıb.  Yerli və xarici mütəxəssislərin və alimlərin iştirak etdiyi konfransın məqsədi bu sahədə elmi müzakirələr etmək, innovativ tibbi təcrübələri bölüşmək və endokrinologiya sahəsində maraqlı klinik hadisələri araşdırmaq olub. Üç gün davam edən konfransda iştirakçılar bu mövzuda fikir mübadiləsi və ən son tibbi nailiyyətləri araşdırıblar. Konfransın sonuncu günü moderatorlar “Sağlamlığın qorunması” İB-nin sədri, dr. Yazgül Abdiyeva,Dr.Gülay Məmmədova və Prof. Dr. Mustafa Sait Gönen, müxtəlif mövzularda iştirakçılara söz veriblər. Prof. Dr. Mustafa Sait Gönen tərəfindən Graves orbitopatiyası panelində “Graves Orbitopatiyası dəyərləndirilməsi :Nə zaman,necə müalicə edək? məruzəsi ilə çıxışı oldu. Konfransda İlhan Satman, Gülay Məmmədova, Nübar Rəsulova, Nurdan Gül, Zülfü Cabbarov, Səbinə Paşayeva, Mehtap Çakır, Camal Musayev, Azər Hümbətov, Zeynep Cantürk, Fuad Səmədov və s. mütəxəssislər təqdimatları ilə çıxış ediblər. “Sağlamlığın Qorunması” İB-nin rəhbəri, dr. Yazgül Abdıyeva tərəfindən Xəyyam Eyvazov Azərbaycan Endokrinoloqlar Cəmiyyətinin sədri vəzifəsinə təyin olunmağı və 1-ci Milli Endokrinologiya Konfransına uğurla ev sahibliyi etməsi səbəbilə ona təşəkkürnamə təqdim edilib. Konfrans başa çatdıqda bütün iştirakçılara sertifikatlar təqdim olunub. 1-ci Milli Endokrinologiya Konfransının uğuru Azərbaycanın endokrinologiya sahəsində innovasiyaları təşviq etmək üçün zəmin yaradır. Seymur ƏLİYEV    

       Hörmətli İsmayıl  müəllim ! Təşkilatın bütün kollektivi adından Sizi anadan olmağınızın 95 illiyi  münasibəti ilə  səmimi qəlbdən təbrik edirik. Veteran hərəkatında fəal iştirakınız və gənc nəslin vətənpərvər ruhunda tərbiyə olunmasında xüsusi xidmətləriniz təqdirə layiqdir. Sizə möhkəm can sağlığı, ailə səadəti  və gələcək  işlərinizdə daha  böyük  uğurlar  arzulayırıq.