Veteran.gov.az xəbər verir ki, Azərbaycan Respublikası Müharibə, Əmək və Silahlı Qüvvələr Veteranları Təşkilatı ilə “Dayaq” Vətən Müharibəsi Əlillərinə və Şəhid ailələrinə Dəstək Təşkilatının birgə təşkilatçılığı ilə şəhid ailələri və Vətən Müharibəsi əlillərinin hüquqi problemlərinin həllinə dəstək proqramına uyğun olaraq hüqquqi maarifləndirmə yönümündə görüş keçirildi. Maarifləndirici əhəmiyyətli görüşdə Azərbaycan Respublikası Müharibə, Əmək və Silahlı Qüvvələr Veteranları Təşkilatının sədr müavini, polkovnik Cəlil Xəlilov, Əmək və Əhalinin Sosial Müdafiəsi Nazirliyinin məsul işçiləri,  “Dayaq” Vətən Müharibəsi Əlillərinə və Şəhid ailələrinə Dəstək Təşkilatının sədri Qalib Əliyev, Təşkilatın hüquqi məsələlər üzrə sədr müavini Məcid Məmmədov, icraçı direktor Zamin Zeynal, İdarə Heyyəti və fəal üzvüləri, Azərbaycan Respublikasının Vəkillər Kollegiyasının üzvüləri  - tanınmış vəkillər Vüsalə Cəfərli, Vüsal Səfərov, Murad Mirzəzadə və Arbitrium Vəkil Bürosunun əməkdaşları Bağırov Namiq İmran oğlu, Cəfərov Nəsimi Abbas oğlu, Raxtari Kamilə Səftər qızı, Şəhid ailələri, Qazilər hüquqi dinləmədə fəal şəkildə iştirak edərək çıxış etdilər. Tədbiri giriş sözü ilə açan Müharibə, Əmək və Silahlı Qüvvələr Veteranları Təşkilatının sədr müavini, polkovnik Cəlil Xəlilov dövlətin şəhid ailələrinə, müharibə əlillərinə, qazilərə daim diqqət və qayğı göstərdiyini bildirib. Polkovnik qeyd edib ki, həssas kateqoriyaya daxil olan bu şəxslərin daim diqqət mərkəzində saxlanılması Prezident İlham Əliyevin bütün qurumlar, eləcə də hər bir vətəndaş qarşısında qoyduğu tapşırıqdır və hər kəs bu tapşırığı, şəhid ailələri, qazilər qarşısındakı öz vicdan borcunu layiqincə yerinə yetirməlidir. Maarifləndiruci görüşdə çıxış edən qurum rəsmiləri dövlət tərəfindən şəhid ailələri və qazilərə göstərilən diqqət və qayğıdan söz açdılar. Təəssüf hissi bildirdilər ki, son dövrlər şəhid ailələri və qazi adından sui istifadə hallarına rast gəlinir. Bəzi dövlət qurumlarında çalışan vəzifəli şəxslərin Şəhid ailələri və Qazilərin müraciətlərinə laqeydliklə yanaşıldığı müşahidə edilməkdədir. Belə olduğu təqdirdə ölkəmizdə bu cür həssas kateqoriyadan olan vətəndaşlarımızın özlərinə qəsd etmə kimi halların baş verməsinə gətirib çıxarır. Natiqlər onu da xüsusi olaraq vurğuladılar ki, bu kimi xoşagəlməz hadisələrin baş verməməsi, vaxtında qarşısını almaq üçün vətəndaş cəmiyyəti olaraq dövlətə dəstək yönümündə hüquqi dinləmə həyata keçirməyi məqsədə uyğun bildik. Hər iki qurumun birgə əməkdaşlıq çərçivəsində belə bir hüquqi görüşü keçirməkdə əsas məqsədləri Prezident, Ali Baş Komandan cənab İlham Əliyevin Şəhid ailələri və Qazilərlə bağlı həyata keçirdiyi uğurlu sosial siyasətə hüquqi dəstək olmaqla yanaşı, ictimai töhvə verməkdir. Qeyd edək ki, gələcəkdə də bu sayaq hüquqi maarifləndirmə tədbirləri davam etdiriləcək.

Naqif Həmzəyev: “İnanıram ki, bu qurum gənc nəslin vətənprəvərlik tərbyəsinə bundan sonra da böyük töhfələr verəcək” 44 günlük Vətən müharibəsində ordumuzun bütün kontingenti kimi hərbi həkimlərimizin də cəsarətlə iştirak etdiyi, 8 Noyabr zəfərinə böyük töhfələr verdiyi şübhəsizdir. Məhz bu səbəbdən də bütün şəhidlərimiz kimi şəhid həkimlərimizin də cəmiyyətə tanıdılması, onların xatirəsinin əbədiləşdirilməsi bir zərurət olaraq meydana çıxmaqdadır. Qürurvericidir ki, bu məsələdə Prezident Administrasiyası, Müdafiə Nazirliyi, yerli icra hakimiyyəti  orqanları ilə yanaşı, digər dövlət qurumları da aktiv şəkildə iştirak edir ki, bunlardan biri də Sumqayıt Tibb Mərkəzidir. Qeyd edək ki, Vətən müharibəsində şəhid olan hərbi həkimlərin ictimaiyyətə tanıdılması, onların qəhrəmanlığının təbliği istiqamətində sistemli addımlar atan Sumqayıt Tibb Mərkəzində cari ilin aprel ayında şəhid hərbi həkim Eldar Abdullayevlə bağlı bədii-sənədli filmin təqdimatı keçirilmiş, film cəmiyyət tərəfindən böyük maraqla qarşılanmışdır. Ümumiyyətlə, Elnur Azadxanovun Sumqayıt Tibb Mərkəzinin direktoru vəzifəsinə təyinatından sonra adıçəkilən qurumun fəaliyyətində ciddi dəyişikliklər, müsbət dinamika müşahidə edilməkdədir. Tibb müəssisələrinin işinin daha optimal şəkildə qurulması, vətəndaş məmnunluğunun təmin edilməsi istiqamətincə ardıcıl tədbirlərin görülməsi, müəssisələrin fəaliyyətində şəffaflığın artırılması, müasir tibbi texnologiyaların tətbiqi Elnur Azadxanovun adı ilə bağlıdır. Peşəkar həkimlərin Sumqayıt Tibb Mərkəzinin tabeçiliyindəki müəssisələrə cəlb edilməsi də yeni rəhbərliyin sözügedən qurumun həyatına gətirdiyi mühüm yeniliklərdəndir.   Veteran.gov.az-a açıqlama verən millət vəkili Naqif Həmzəyev, Sumqayıt Tibb Mərkəzinin şəhid hərbi həkimlərin xatirəsinin əbədiləşdirilməsi, onların tanıdılması istiqamətində atdığı adımların mənəvi-tarixi əhəmiyyətindən danışıb: “Şəhidlərimizin xatirəsinin əbədiləşdirilməsi dövlətimizin qarşısında duran ən vacib məsələlərdən biridir. Həm Prezident İlham Əliyev, həm də Birinci vitse-prezident Mehriban xanım Əliyeva bu prosesi diqqətdə saxlayır, şəhdilərimizin xatirəsinin əbədiləşdirilməsi istiqamətində mühüm addımlar atır. Dövlətimiz şəhid adlarını əbəədiləşdirməklə yanaşı, onların ailələrinin sosial problemlərinin həll edilməsi, şəhid övladlarının hərtərəfli himayə olunması və s. kimi məsələlərlə bağlı da qətiyyətli siyasət yürüdür. Şübhəsiz, bu siyasət bundan sonra da davam edəcək. Çünki şəhidlərimiz elə bir fədakarlıq göstərib ki, heç nə bu fədakarlıqla müqayisə oluna bilməz. 44 günlük Vətən müharibəsində bizim həkimlərimiz, eləcə də hərbi həkimlərimiz cəsarətlə iştirak etdi, qələbəmizə böyük töhfələr verdi.  Həkimlərimiz öz həyatlarını təhlükə altına qoyaraq öz hərbçi yoldaşlarının, döyüş yoldaşlarının həyatını xilas etdilər. Mənfur düşmən müharibə zamanı hərbi konvensiyalara zidd olaraq tibbi maşınları da atəşə tuturdu. Ancaq buna baxmayaraq, həkimlərimiz müharibənin ən qızğın nöqtələrində fəaliyyət göstərmiş, öz müqəddəs missiyalarını əzmlə yerinə yetirmişdilər. Odur ki, bütün şəhidlərimiz kimi həkim şəhidlərimizin də xatirəsinin əbədiləşdirilməsi olduqca vacib və əhəmiyyətlidir. Bu mənada Sumqayıt Tibb Mərkəzinin şəhid həkimlərlə bağlı layihələri, onların xatirəsinin əbədiləşdiirlməsi, qəhrəmanlıqarının təbliği ilə bağlı atdığı addımlar son dərəcə önəmlidir. Bu addımlardan biri kimi Sumqayıt Tibb Mərkəzinin təşəbbüsü və dəstəyilə çəkilmiş, Vətən müharibəsi şəhidi, hərbi tibb qulluqçusu Eldar Abdullayevə həsr olunmuş “Şəhidlər evə qayıdır” qısametrajlı bədii-sənədli filmini göstərmək olar. Bu filmdə şəhid Eldar Abdullayevin həyat və döyüş yoluna nəzər salınıb, onun qəhrəmanlıqları, vətən uğrunda sərgilədiyi fədakarlıqlar yüksək peşəkarlıqla öz əksini tapıb. Sumqayıt Tibb Mərkəzinin şəhid həkimlərimizin cəmiyyətə tanıdılması, onların qəhrəmanlığının təbliğ edilməsi, xatirəsinin əbədiləşdirilməsi istiqamətində addımları təqdirəlayiqdir və şəxsən mən bu fəaliyyəti alqışlayıram. Onu da qeyd etməliyəm ki, tanınmış jurnalist Ramil Zeynallının rəhbərlik etdiyi Sumqayıt Tibb Mərkəzinin İctimaiyyətlə əlaqələr bölməsi bu sahədə xüsusi ciddi aktivlik sərgiləyir, Mərkəzin fəaliyyətinin təkib hissəsi kimi şəhid həkimlərimiz xatirəsinin əbədiləşdirilməsi, onların cəmiyyətə tanıdılması istiqamətindəki yenilikləri cəmiyyətə çevik şəkildə çatdırır. Sumqayıt Tibb Mərkəzinin Mərkəz İctimaiyyətlə əlaqələr bölməsi həm media, həm də sosial şəbəkələr üzərindən geniş iş aparır, Sumqayıt Tibb Mərkəzinin həyata keçirdiyi hər bir yenilik kimi şəhidlərimizin xatirəsinin əbədiləşdirilməsi istiqamətindəki tədbirlər haqqında ictimaiyyəti operativ şəkildə məlumatlandırır. İnanıram ki, başda hörmətli Elnur Azadxanov olmaqla Sumqayıt Tibb Mərkəzinin bütün dəyərli kolektivi bundan sonra da şəhidlərimizlə bağlı məlum fəaliyyəti uğurla davam etdirəcək, gənc nəslin vətənpərvərlik tərbiyəsinə yeni-yeni töhfələr verəcək”.  Seymur ƏLİYEV  

Azərbaycanın özünün ərazi bütövlüyünü və suverenliyini tam təmin etdiyi və dövlətçilik gücünü və qüdrətini misilsiz şəkildə artırdığı bir zamanda Azərbaycan dövlətinin əldə etdiyi böyük tarixi uğurları qəbul etmək istəməyən qüvvələrin sərgilədiyi xəyanətkar əməllərə qarşı cəmiyyət haqlı olaraq həssaslıqla təpki verir və bu yöndə qətiyyətli və barışmaz mövqe ortaya qoyur. Ramiz Mehdiyev və Əli Kərimli kimi fiqurlar ətrafında gedən müzakirələr, həmçinin bəzi müxalifət dairələri daxilindəki qeyri-şəffaf proseslər bir daha göstərir ki, ölkənin sabitliyini sarsıtmaq potensialı daşıyan istənilən davranış xalq tərəfindən birmənalı şəkildə rədd edilir və qətiyyətlə pislənilir. Azərbaycan özünün inkişaf və təhlükəsizlik strategiyasını heç bir köhnəlmiş siyasi oyuna, heç bir manipulyativ ritorikaya və heç bir xarici təsir cəhdinə güzəşt etməyən, sarsılmaz və prinsipial dövlətçilik iradəsi üzərində qurub. Azərbaycan bu gün regionda qüdrətini artıran, dünyada gedən siyasi və iqtisadi dalğalanmalar fonunda özünün sabit inkişafını təmin edən bir dövlətdir. Lakin məhz bu yüksəliş dövründə bəzi şəxslərin köhnə siyasi manipulyasiya üsullarına qayıtmaları, səhnəarxası koordinasiyalarla məşğul olmaları və məsuliyyətsiz siyasi davranış nümunələri sərgiləmələri cəmiyyətin haqlı narazılığına səbəb olur. Xalqın mövqeyi qəti və aydındır ki, Azərbaycanın siyasi taleyi köhnə oyunların meydanı ola bilməz! İctimai fikirdə “boz kardinal” adlandırılan Ramiz Mehdiyevin müxtəlif dövrlərdə siyasi proseslərə dolayı təsir göstərməsi ilə bağlı səslənən fikirlər, eləcə də onun Əli Kərimli ilə paralel görünən bəzi davranışları Azərbaycan cəmiyyətində narahatlıq yaradan məqamlardandır. Milli Şura layihəsinin fiaskosu isə bu narahatlığın təsadüfi olmadığını bir daha üzə çıxardı. Bu layihənin uğursuzluğu göstərdi ki, Azərbaycan cəmiyyətində köhnə siyasi fiqurların köhnəlmiş davranışlarına yer yoxdur. Əli Kərimlinin “Qafqaz baharı” kimi məsuliyyətsiz şüarları və bu şüarların arxasında duran populist ritorika isə haqlı olaraq siyasi proseslərə zərər vuran, reallıqdan uzaq və cəmiyyətin gözləntiləri ilə uyğunlaşmayan çıxışlar kimi qiymətləndirilir. Azərbaycanın mövqeyi, təhlükəsizlik mühiti və regiondakı rolu belə radikal çağırışlara, süni şəkildə qızışdırılan gərginliklərə yol verəcək qədər zəif deyil. İctimai diskussiyalarda o da xüsusi vurğulanır ki, Ramiz Mehdiyevin “ənənəvi müxalifət daim öndə olmalıdır” məzmunlu yanaşmaları müxalifətin yenilənməsini deyil, köhnə simaların və köhnə ideyaların qorunmasını təşviq edən xəttin tərkib hissəsi kimi görünür. Cəmiyyət artıq bu modellərin ölkəyə nə verdiyini, daha doğrusu, nə vermədiyini çox yaxşı bilir. AXCP-nin fəaliyyət istiqamətləri ilə bağlı ictimai müzakirələrdə səslənən suallar da diqqətdən yayınmır. Rusiyada yaşayan müəyyən dairələrlə əlaqələr və diaspor üzərindən siyasi təsir ehtimalları müxtəlif xarici mərkəzlərin regionda nüfuz savaşı apardığı bir vaxtda xüsusilə təhlükəlidir. Bu iddialar rəsmi təsdiqini tapmasa belə, bu yöndə müzakirələrin mövcudluğu özü göstərir ki, siyasi proseslər milli təhlükəsizlik prizmasından incəliklə qiymətləndirilməlidir. Siyasi arenada Ramiz Mehdiyev və Əli Kərimli kimi şəxslərin səhnəarxası oyunlarının və onların şəxsi hesablaşmalarının dövlətçiliyə heç bir faydası yoxdur və ola da bilməz. Cəmiyyət bu cür köhnəlmiş siyasi taktikaların qalıqlarını çoxdan rədd edib. “Xəyanətin ifşası” kimi emosional ifadələrin ictimai müzakirələrdə yer alması da, hər nə qədər güclü emosional çalar daşısa da, xalqın bu cür davranışlara münasibətinin harada dayandığını kifayət qədər açıq göstərir. Qafqaz bölgəsinin bu gün son dərəcə həssas geosiyasi şəraitdə olduğu nəzərə alınanda, daxildə siyasi sabitliyi pozmaq potensialı daşıyan istənilən davranış, istər bilərəkdən olsun, istər bilməyərəkdən, dövlət üçün ciddi risk kimi qiymətləndirilir. Bu səbəbdən AXCP daxilindəki qeyri-şəffaf proseslərin təhlükəsizlik prizmasından araşdırılması tamamilə əsaslıdır və bu, dövlətin üzərinə düşən məsuliyyətin bir hissəsidir. Azərbaycan dövləti milli maraqlara qarşı yönəlmiş heç bir xətti, heç bir təmayülü, heç bir gizli siyasi oyunu qəbul etməyəcək qədər güclüdür. Dövlətin təhlükəsizlik doktrinası aydındır: heç bir köhnəlmiş siyasi ssenari, heç bir xarici təsirə uyğunlaşdırılmış proses və heç bir manipulyativ çağırış Azərbaycanın sabitlik xəttinə müdaxilə edə bilməz. Xalqın iradəsi də qəti və aydındır: Azərbaycan siyasi meydanı köhnə intriqaların, “boz kardinal” üslubunun, radikal çağırışların və köhnə müxalifət oyunlarının təsiri altında ola bilməz. Xalq nəzarət edir, dövlət tədbir görür və bu dövlətçilik birliyi qarşısında heç bir köhnə siyasi fiqur öz ambisiyalarını milli maraqlardan üstün tuta bilməz. Vasif Qafarov Milli Məclisin deputatı