12 sentyabr  2017-ci  ildə  Azərbaycan  Respublikası Müharibə, Əmək və Silahlı  Qüvvələr Veteranlar Təşkilatının Rəyasət  Heyətinin iclası keçirilmişdir. Gündəliyinə uyğun olaraq, iclasda Respublika Veteranlar Təşkilatının fəaliyyətinin gücləndirilməsi barəsində məsələ müzakirə edilmişdir. RVT-nin sədr müavini, ehtiyatda olan polkovnik C.Xəlilov Təşkilatın son aylardakı fəaliyyəti, mövcud vəziyyət və qarşıda duran vəzifələrlə əlaqədar məruzə ilə çıxış etmişdir. İclas iştirakçıları ölkənin ictimai-siyasi həyatında fəal iştirak edən Respublika Veteranlar Təşkilatının 2017-ci üzrə fəaliyyətini yüksək qiymətləndirmiş, veteranların sosial-hüquqi müdafiəsinin gücləndirilməsi, gənclətrin hərbi vətənpərvərlik, dövlətçilik ruhunda tərbiyəsinin təşkili və s. istiqamətlərdə gördüyü işləri qənaətbəxş hesab etmişlər. Eyni zamanda, Respublika Veteranlar Təşkilatı sədrinin səhhəti ilə əlaqədar Təşkilatın gündəlik fəaliyyəti ilə bağlı bəzi məsələlərin daha operativ həllində çətinliklərin yaranması qeyd olunmuşdur. RVT-nin ümumi fəaliyyətinin gücləındirilməsi zərurəti nəzərə alınaraq, istefada olan general-mayor Dadaş Rzayevin müalicəsinin davam etdirilməsi və Respublika Veteranlar Təşkilatının sədri vəzifəsindən azad olunması məqsədəuyğun hesab edilmişdir. Respublika Veteranlar Təşkilatının Rəyasət Heyətinin üzvləri tərəfindən Respublika Veteranlar Təşkilatının sədri vəzifəsinin icrasının istefada olan general-polkovnik Tofiq Ağahüseynova həvalə edilməsi təklif olunmuşdur. Hər iki təklif səsə qoyularaq, yekdilliklə qərar qəbul olunmuşdur.  

“Konstitusiya və suverenliyimiz milli qürurumuz, iftixar mənbəyimizdir”.  Bunu saytımıza açıqlamasında Müharibə, Əmək və Silahlı Qüvvələr Veteranları Təşkilatının sədri polkovnik Cəlil Xəlilov bildirib. Polkovnik qeyd edib ki, Prezident İlham Əliyevin 2025-ci ili “Konstitusiya və Suverenlik İli” elan etməsi mühüm əhəmiyyətə malikdir: “Konstitusiya və suverenlik hər bir azad dövlət üçün müstəqil yaşamın əsas göstəricisidir. Konstitusiyamız müstəqilliyimizin, suverenliyimizin, ərazi bütövlüyünün qorunması üçün mühüm qanunvericilik bazası olmaqla yanaşı, ölkəmizdə demokratik azadlıqların, insan hüquqlarının müdafiəsinin təşkili baxımından həyati əhəmiyyətə malikdir. Qürur hissi ilə qeyd etməliyik ki, müstəqil Azərbaycan Respublikasının ilk konstitusiyası Ulu öndər Heydər Əliyevin bilavasitə rəhbərliyi və iştirakı ilə 1995-ci ilin 12 noyabr tarixində qəbul edilmiş, bununla da ölkəmizdə qanunvericilik sahəsində yeni bir dönəmin əsası qoyulmuşdur. Bundan sonra məlum Konstitusiya əsasında ölkəmizdə qanunvericilik sahəsində sistemli islahatlar həyata keçirilmiş, mühüm yeniliklərə imza atılmışdır. Qanunvericilik sahəsində görülən bütün bu işlər hüquq sistemimizin müasirləşməsinə, dünyanın ən qabaqcıl qanunvericilikləri səviyyəsinə yüksəlməsinə gətirib çıxarmışdır. 2020-ci ilin 27 sentyabr tarixində başlayan 44 günlük Vətən müharibəsi dövlətimizin tarixi zəfəri və ərazi bütövlüyümüzün, suverenliyimizin bərqərar olması ilə nəticələndi. 2023-cü ilin 19-20 sentyabr tarixlərində gerçəkləşən lokal antiterror tədbirləri ilə suverenliyimiz tam təmin edildi. Azərbaycan 30 ildən sonra öz suverenliyinə qovuşdu. Bu böyük, tarixi nailiyyətin altında isə yenə də Müzəffər Ali Baş Komandan İlham Əliyevin imzası var idi. Bu il Konstitusiyamızın qəbul edilməsinin 30, 8 Noyabr zəfərinin isə 5-ci ildönümüdür. Cari ildə Konstitusiya və suverenliyimizlə bağlı müxtəlif tədbirlərin, layihələrin həyata keçirilməsi nəzərdə tutulur ki, bu da həm konstitusiya, həm də suverenliyin önəminin ictimai şüurda daha dərindən dərk edilməsi, gənclərimizin bu anlayışlara daha dolğun sahiblənməsi baxımından olduqca əhəmiyyətlidir.  İnanıram ki, gənclərimiz dövlətçiliyimizin əsaslarından biri olan bu dəyərləri dərindən mənimsəyəcək, onların müdafiəsi və inkişafı üçün əllərindən gələni əsirgəməyəcəklər”. Seymur ƏLİYEV  

Veteran.gov.az xəbər verir ki, 22 iyun 2023-cü il tarixində Ağdam Rayon İcra Hakimiyəti tərəfindən Heydər Əliyev Mərkəzində Ulu öndərin 100 illik yubileyi ilə əlaqədar “Heydər Əliyev ordu quruculuğunun memarıdır” mövzusunda tədbir keçirilib.  Tədbirdə Ümummilli Lider Heydər Əliyevin və Azərbaycanın suverenliyi uğrunda şəhid olanların xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib. Tədbirdə Ağdam Rayon İcra Hakimiyyətinin  başcısı, rayonun hüquq-mühafizə və məhkəmə orqanlarının rəhbərləri, ictimai birliklər, hərbi hazırlıq müəllimləri və gənclər iştirak edib. Tədbirdə icra başçısı Vaqif Həsənov, Ağdam Rayon Veteranlar Təşkilatının sədri, ehtiyyatda olan polkovnik leytenan Elşən Zeynalov çıxış edib, Ulu öndərin ordu quruculuğundakı xidmətlərinə diqqət çəkiblər. Tədbirdin sonunda xatirə şəkli çəkilib.

1994-cü ildə Ermənistan-Azərbaycan, Dağlıq Qarabağ münaqişəsi zamanı Ağdərədə şəhid olan Valeri Rassoxanın oğlu İlqar Rassoxa iki qız övladı ilə birlikdə əvvəl Zabrat qəsəbəsində qəbiristanlıq ərazisində məskunlaşmışdır. Heç bir şəraiti olmayan, bir sözlə yaşayış üçün yararsız evdə qalan şəhidin oğlu İlqar Rassoxa, onun üç və 10 yaşında qız övladları uzun müddət idi ki, çətin vəziyyətdə yaşamaq məcburiyyəti ilə üzləşmişdilər.   Trend-in məlumatına görə, şəhid ailəsinin acınacaqlı vəziyyətdə yaşadığından xəbər tutan Azərbaycan Respublikasının Birinci vitse-prezidenti Mehriban Əliyeva Rassoxa ailəsinin qəzalı vəziyyətdə olan evinin əvəzinə, bütün məişət təminatı ilə birlikdə yeni fərdi yaşayış sahəsinin tikilib təhvil verilməsinə dair göstəriş verib. Ən qısa zamanda Mehriban Əliyevanın rəhbərlik etdiyi Heydər Əliyev Fondu tərəfindən yeni ev inşa edilib. Hazırda Zabrat qəsəbəsi, Eldar Xəlilov küçəsi, 3-cü döngə ünvanında yeni ev tikilərək şəhid ailəsinə təhvil verilib. Təqdim olunan ev mətbəx mebeli, həmçinin ailənin yaşaması üçün tam mebel dəstləri ilə təchiz olunub, uşaqlara geyim və oyuncaqlar alınıb. Verdiyi müsahibəsində İlqar Rassoxa göstərilən diqqət və qayğıya görə Azərbaycan Prezidenti İlham Əliyevə, Birinci vitse-prezident, Heydər Əliyev Fondunun prezidenti Mehriban Əliyevaya təşəkkürünü bildirib.