Please ensure Javascript is enabled for purposes of website accessibility
Azərbaycan Respublikası Müharibə, Əmək və Silahlı Qüvvələr Veteranları Təşkilatı
Veteranların təcrübəsindən biz daim bəhrələnməliyik, istifadə etməliyik
Heydər Əliyev

“Dublin Bəyannaməsi” xarici siyasətimizin təntənəsi, Azərbaycanın qlobal nüfuzunun göstəricisidir”

Səmyar Abdullayev: “Bu Bəyannamə sübut etdi ki, dünyanın ən qüdrətli dövlətləri belə ölkəmizlə əməkdaşlığa xüsusi maraq göstərir”

“Azərbaycan Gözdən Əlillər Cəmiyyəti” İctimai Birliyinin prezidenti Səmyar Abdullayev ölkəmizin diplomatiya müstəvisində əldə etdiyi son uğurlarlala bağlı Moderator.az-a müsahibə verən. Həmin müsahibəni oxucuların diqqətinə çatdırırıq:

-Səmyar müəllim, Azərbaycan Respublikasının Prezidenti İlham Əliyev noyabrın 12-də Dublində Böyük Britaniya və Şimali İrlandiya Birləşmiş Krallığının Baş naziri Endi Börnhem ilə görüşdü, iki dövlət arasında strateji tərəfdaşlıq haqqında Birgə Bəyannamə imzalandı. Öncə bu səfər və məlum Bəyannamə ilə bağlı fikirlərinizi bilmək istərdik.

-Prezident İlham Əliyevin Dublinə səfəri və səfər əsnasında “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə”nin imzalanması hər iki dövlətin maraq və mənafeyi baxımından olduqca mühüm hadisədir. Bu, hər şeydən öncə Azərbaycanın xarici siyasətinin təntənəsi, dövlətimizin qlobal nüfuzunun göstəricisi deməkdir.

Bildiyiniz kimi, Böyük Britaniya müasir dünyamızda istər siyasi-iqtisadi, istərsə də hərbi baxımdan ən güclü dövlətlərdən biridir. BMT-nin Təhlükəsizlik Şurasının 5 daimi üzvündən biri olan Böyük Britaniya, qlobal siyasətin formalaşmasında yaxından iştirak edir, hadisə və proseslərin gedişatına mühüm təsir göstərir. Başqa sözlə desək, Böyük Britaniya dünyamızın əsas güc mərkəzlərindən biridir. Odur ki, “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə”nin imzalaması milli maraqlarımız baxımından olduqca önəmlidir. Bu Bəyannamə iki dövlət arasında bütün əsas sahələrdə birgə tərəfdaşlığı nəzərdə tutur ki, bu da Azərbaycanın inkişafı, onun qlobal aləmdəki nüfuzunun daha da artması, müasir tələb və gözləntilərə cavab verməsi baxımından son dərəcə əhəmiyyətlidir. “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə”ni dövlətimizin və Prezidentimizin ən böyük diplomatik uğurlarından biri hesab edirəm.

-Bəyannamədə öz əksini tapan məsələlərdən biri də iki dövlət arasında hərbi sahədə əməkdaşlıqla bağlıdır. Sizcə iki dövlət arasında hərbi sahədə tərəfdaşlıq regional və qlobal təhlükəsizliyə nə vəd edir?

-Aydındır ki, “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə” hərbi təhlükəsizlik baxımından mühüm önəm kəsb edir. Məlum Bəyannamə hər şeydən öncə Azərbaycan və Böyük Britaniyanın hərbi müstəvidə sıx əməkdaşlığını nəzərdə tutur ki, bu da müharibə və qarşıdurmaların artdığı dünyamızda təhlükəsizlik baxımından  olduqca önəmlidir. Hörmətli Prezidentimizin dediyi kimi, müasir dünyamızda beynəlxalq hüquq öz gücünü itirib və bu gün hər bir dövlət yalnız və yalnız öz gücünə, eləcə də öz müttəfiqlərinin dəstəyinə arxalana bilər. Biz bunu 44 günlük Vətən müahribəsində də aydın şəkildə gördük. Gördük ki, BMT-nin Təhlükəsizlik Şurasının 4 qətnaməsinin mövcud olmasına baxmayaraq, beynəlxalq təşkilatlar və beynəlxalq hüquq erməni işğalına son qoya, işğal faktorunu ortadan qaldıra bilmir. Hansı ki, bunu Azərbaycan Silahlı Qüvvələri Prezident İlham Əliyevin rəhbərliyi altında cəmi 44 gün ərzində yüksək səviyyədə təmin etdi. Bu baxımdan, düşünürəm ki, Azərbaycanla Böyük Britaniya arasında hərbi müstəvidə tərəfdaşlığın mövcudluğu dövlətimizin müdafiəsi baxımından bizə əlavə imkanlar qazandıracaq.

Bundan başqa, Azərbaycanla Böyük Britaniya arasındakı hərbi əməkdaşlıq qlobal təhlükəsizlik baxımından da böyük önəm kəsb edir. Bu Bəyannamə və orada əksini tapan hərbi tərəfdaşlıq müddəası hər hansı üçüncü tərəfə qarşı yönəlməyib və ümumilikdə, bütün dünyada sülhün və təhlükəsizliyin möhkəmlənməsinə xidmət edir. Bu isə bütün bəşəriyyətin mənafeyinə uyğundur. Buna görə də, “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə”dən irəli gələn müddəalar icrası bütün insanlığın rifahına və təhlükəsizliyinə xidmət edən mühüm saziş kimi dəyərləndirilməlidir.

-Səmyar müəllim, uzun müddət siyasi proseslərin içərisində olan bir şəxs kimi “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə”ni ölkəmizin beynəlxalq aləmdəki nüfuzu baxımından necə qiymətləndirirsiniz?

-Bu Bəyannamə Azərbaycanın müasir dünyada siyasi-diplomatik, eləcə də hərbi-iqtisadi baxımdan artan rolundan xəbər verir. “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə” sübut edir ki, dünyanın ən qüdrətli dövlətləri belə ölkəmizlə əməkdaşlığa xüsusi maraq göstərir. Bütün dünya Azərbaycanın regional və qlobal miqyasda artan rolunu aydın şəkildə görür və buna görə də dövlətimizlə əməkdaşlıq çərçivəsində öz maraqlarını daha fundamental şəkildə təmin etməyə çalışır.

Bir sözlə, Azərbaycan dinamik şəkildə artan hərbi-iqtisadi gücü, siyasi-diplomatik nüfuzu ilə bütün dünyaya nümunədir və biz bütün bu uğurlara görə Prezident İlham Əliyevə borcluyuq. Erməni işğalına son qoyan və Azərbaycanın ərazi bütövlüyünü təmin edən Ali Baş Komandan, post-müharibə dönəmində ölkəmizi inkişaf və  tərəqqisi istiqamətində də böyük uğurlara nail olub ki, Böyük Britaniya ilə dövlətimiz arasında imzalanan Birgə Bəyannamə bu uğurların qlobal müstəvidəki təsdiqidir.

Prezidentimizin ən böyük uğurlarından biri onun diplomatik sahədə güclü komanda formalaşdırması, bu komandanın ciddi koordinasiya və fədakarcasına milli maraqlarımıza xidmət etməsidir. İstər Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev, istər xarici işlər naziri Ceyhun Bayramov, istərsə də digər diplomatlarımız Prezident İlham Əliyevin rəhbərliyi altında beynəlxalq arenada dövlətimizin maraqlarını qətiyyətlə müdafiə etməkdə, böyük uğurlara imza atmaqdadır. Biz vətəndaş və xalq olaraq bütün bunları görür, Prezidentimiz və onun komandasının uğurlarından qürur duyuruq.

-Birgə Bəyannamədə öz əksini tapan məsələlərdən biri də enerji təhlükəsizliyi və təhsil sahəsindəki əməkdaşlıqla bağlıdır. Sizcə Böyük Britanya ilə hər iki müstəvidə tərəfdaşlıq əlaqələrinin formalaşması ölkəmizə nə qazandıracaq?

-Hər şeydən öncə qeyd edim ki, istər enerji təhlükəsizliyi, istərsə də təhsil sektoru strateji sahələrdir və bu sahələr istənilən dövlətin həyatında, eləcə də gələcək inkişafında mühüm yer tutur. Məhz bu səbəbdən də Birgə Bəyannamədə hər iki amilə xüsisi diqqət yetirilib, enerji təhlükəsizliyi və təhsil sahəsində əməkdaşlığın gücləndirilməsi öz əksini tapıb.

Bildiyiniz kimi, enerji istehsalı, xüsusilə də yaşıl enerji itehsalı Azərbaycan dövlətinin iqtisadi siyasətində mühüm yer tutur. İstər işğaldan azad edilən ərazilərdə, istərsə də respublikamızın digər bölgələrində bərpa edilən enerjinin istehsalı ilə bağlı sistemli addımlar atılmaqda, SES-lər, külək və günəşlə işləyən elektrik stansiyaları inşa olunmaqdadır. Bütün bunlar həm ekoloji mühitin qorunmasına, həm də ənənəvi enerji sahələrindən asılılığın aradan qaldırılmasına kömək edir, yeni reallıqlar formalaşdırır.

Bir məqamı da qeyd edim ki, son illər Avropa İttifaqına üzv olan dövlətlərin enereji təhlükəsizliyinin təminində Azərbaycanın rolu sürətlə artmaqdadır. Avropa dövlətlərinin enerji ilə təminatında Rusiyanın ənənəvi rolunun azalması da bu məsələyə öz təsirini göstərib.

Azərbaycan bəzi dövlətlərdən fərqli olaraq enerji faktorundan heç vaxt siyasi təzyiq aləti kimi istifadə etməyib ki, bu da ölkəmizin tibarlı enerji təchiztçısı kimi önəmini hər kəs üçün artırır.

Təhsilə gəlincə, bu sahə bütün ölkələr kimi Azərbaycanda da strateji sahələrdən bir hesab edilir. Azərbaycan Respublikasının Prezidenti milli təhsil sistemi qarşısında bir sıra mühüm vəzifələr qoyub ki, bunlardan biri də intellektual, yüksək savadlı gənclər yetişdirməklə yanaşı, həm də milli-mənəvi dəyərlərə bağlı şəxsiyyətlər yetişdirməkdir. Ölkə başçısının dediyi kimi, Azərbaycan dövləti əldə etdyi nailiyyətlərə görə xalqımızın milli-mənəvi dəyərlərinə borcludur. Məhz bu dəyərlər yüksək vətənpəvərliyə malik gəncliyin yetişməsini təmin edib, onları elmlə yanaşı, həm də ülvi, nəcib dəyərlərlə silahlandırıb.

Hesab edirəm ki, Böyük Britaniya ilə Azərbaycan arasındakı Birgə Bəyannamədə təhsillə bağlı yer alan öhdəliklər yeniyetmə və gənclərimizin intellektual səviyyəsinin daha da yüksəlməsinə, onların qlobal təhsil sistemi ilə daha yaxından tanış olmasına təkan verəcək, bu istiqamətdə yeni imkanlar və perspektivlərin formalaşmasına şərait yaradacaq.

Mən “Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə”sini Azərbaycanın qlobal siyasətində yeni bir mərhələ hesab edir və bu uğura görə Azərbaycan dövətinə, cənab Prezidentə öz təşəkkürümü bildirirəm.

-Səmyar bəy, son vaxtlar ölkəmizə qarşı müxtəlif böhtan kampaniyaları, dezinformasiyalar həyata keçirilməkdədir. Sizcə bu kampaniyalarla Azərbaycanın əldə etdiyi uğurlar arasında bir əlaqə varmı?

-Şübhəsiz!

Anti-Azərbaycan kampaniyasının arxasında duran əsas faktor Azərbaycanın beynəlxalq aləmdə əldə etdyi çoxsaylı uğurlar, bəzi qüvvələrin bu uğurları heç cür həzm edə bilməməsidir. Məhz bu səbəbdən də müəyyən dairələr Azərbaycanı gözdən salan, həqiqətlə heç bir əlaqəsi olmayan iddialar səsləndirməkdə, media və sosial mediada əsası olmayan böhtan xarakterli məlumatlar yaymaqdadır. Məqsəd Azərbaycanın beynəlxalq aləmdəki nüfuzuna kölgə salmaq, onun nailiyyətlərinin önəmini süni şəkildə azaltmaqdır. Lakin anti-Azərbaycan kampaniyasında iştirak edən şəxslər və dairələr bilməlidirlər ki, onlar bu kimi kampaniyalarla heç nəyə nail ola bilməyəcəklər. Azərbaycan xalqı, Azərbaycan vətəndaşı öz dövlətinin və Prezidentinin arxasındadır və onu bu kimi yalanlarla aldatmaq mümkün deyil. Azərbaycana qarşı aparılan hər bir kampaniya məğlubiyyətlə nəticələnməyə məhkumdur və biz bugünə qədər olduğu kimi bundan sonra da bu həqiqətə şahid olacağıq.

Seymur ƏLİYEV

2026-11-16 10:27:00
16 baxış

Digər xəbərlər

Respublika Veteranlar Təşkilatı müharibə veteranlarına ərzaq yardımı ilə dəstək olur

Koronavirus (COVID-19) infeksiyasının Azərbaycanda yayılmasının qarşısının alınması məqsədilə ölkə rəhbərliyi tərəfindən reallaşdırılan genişmiqyaslı tədbirlər çərçivəsində “Biz birlikdə güclüyük!” çağırışına əsasən 245 müharibə veteranına dəstək olmaq məqsədilə Azərbaycan Respublikası Müharibə, Əmək və Silahlı Qüvvələr Veteranlar Təşkilatının sədri general-polkovnik Tofiq Ağahüseynovun təşəbbüsü ilə ərzaq yardımlarının paylanılması davam etdirilir. AZƏRTAC xəbər verir ki, bir neçə gündür davam edən xeyriyyə aksiyası çərçivəsində Şamaxı, Ağsu, Qobustan, İsmayıllı, Qəbələ, Şəki, Göyçay, Ağdaş, Balakən və Zaqatala rayonlarında yaşayan İkinci Dünya müharibəsi veteranlarına ərzaq məhsullarından ibarət sovqatlar paylanılıb. Veteranlarla görüşlərdə ölkədə tətbiq olunan xüsusi karantin rejiminə ciddi riayət edilməsi, zərurət olmadan digər şəxslərlə təmasda olmamaları və virusun yayılmasının qarşısının alınmasını dəstəkləyəcək şəxsi gigiyena qaydalarına əməl etmənin vacibliyi vurğulanıb. Respublika Veteranlar Təşkilatının ölkədəki müharibə veteranlarına ərzaq yardımı ilə dəstəyi davam etdirilir.

Hamısını oxu
“Mehriban Əliyevanın Vatikan səfəri qlobal humanitar diplomatiyaya tarixi töhfədir”

“Azərbaycan Respublikasının Birinci Vitse-prezidenti Mehriban Əliyevanın Müqəddəs Taxt-Taca rəsmi səfəri qlobal humanitar diplomatiyaya tarixi töhfə, dini-bəşəri dəyərlərə sonsuz ehtiram nümunəsidir”. Bunu saytımıza açıqlamsında Müharibə, Əmək və Silahlı Qüvvələr Veteranları Təşkilatının sədri polkovnik Cəlil Xəlilov bildirib. Polkovnik qeyd edib ki, Mehriban Əliyevanın Vatikana son səfəri bir sıra mühüm yeniliklərlə əlamətdardır:  “Mehriban Əliyevanın Vatikan səfəri bir çox baxımdan mühüm əhəmiyyətə malikdir. Bu səfərin qayəsini Heydər Əliyev Fondunun dəstəyi ilə Müqəddəs Kommodilla katakombalarının bərpasının açılışı təşkil edirdi. Mehriban Əliyeva səfər əsnasında Roma Papası XIV Leo, Vatikanın dövlət katibi kardinal Pietro Parolinlə görüşmüş, görüş zamanı qarşılıqlı əlaqələrin inkişaf etdirilməsinin zəruriliyi, bu əməkdaşlığın ümumbəşəri əhəmiyyəti qeyd olunmuşdur. Səfər zamanı Bakıda ikinci Katolik Kilsəsinin inşası ilə bağlı Azərbaycan dövlətinin qərarı da elan edildi və bu qərar Vatikan rəhbərliyi tərəfindən təqdirlə qarşılandı. Azərbaycan Respublikasının Birinci Vitse-prezidentinin Vatikan səfəri xalqımız, dövlətimizlə bağlı bir sıra həqiqətləri yenidən aktuallaşdırdı. Bu səfər sübut etdi ki, Azərbaycan dövləti humanitar diplomatiyaya mühüm önəm verir, bunu bütün bəşəriyyətin inkişafı, onun dəyərlərinin qorunub saxlanılması baxımından zəruri hesab edir. Bu mənada Mehriban Əliyevanın Vatikan səfəri qlobal humanitar diplomatiyaya tarixi töhfədir. İkincisi, Mehriban Əliyevanın Müqəddəs Taxt-Taca rəsmi səfəri və bu səfər əsnasında keçirdiyi görüşlər göstərdi ki, Azərbaycan xalqı ümumbəşəri dəyərlərə, bu dəyərlərin qorunub saxlanılmasına və gələcək nəsillərə ötürülməsinə böyük önəm verir. Azərbaycan dövləti milli dəyərlərlə yanaşı, ümumbəşəri dəyərləri hifz etmək üçün ardıcıl və effektiv səylər ortaya qoyur, sadəcə nəzəri deyil, praktiki baxımdan da ciddi işlər görür. Mehriban Əliyevanın bu səfəri eyni zamanda sübut etdi ki, Azərbaycan xalqı həqiqətən də tolerant xalqdır və dini mənsubiyyətindən asılı olmayaraq, bəşər mədəni irsinə daxil olan bütün dini-tarixi və mədəni abidələrin mühafizəsinə həyati önəm verir. Bunu sadəcə xarici ölkələrdə yerləşən sivilizasiya nümunələrinə deyil, eyni zamanda Azərbaycandakı dini-mədəni abidələrə münasibətdə də görmək mümkündür. Təkcə bir faktı qeyd edək ki, 44 günlük Vətən müharibəsindən sonra işğaldan azad edilən torpaqlarımızda dağıdılan bütün abidələr dini mənsubiyyətindən asılı olmayaraq, tam bərpa edilib və bu proses günümüzdə də davam edir”. Polkovnik qeyd edib ki, Birinci Vitse-prezidentin Vatikan səfəri və səfər zamanı səsləndirdiyi fikirlər digər xalqlar və dövlətlər üçün də konkret çağırış və mesaj hesab oluna bilər: “Mehriban Əliyeva Vatikan zəfəri və bu səfər əsnasında görülən işlər, səsləndirdiyi fikirlərlə sübut etdi ki, planetimizin gələcəyi, Yer kürləsində sülhün və təhlükəsizliyin qorunub saxlanılması beynəlxalq əməkdaşlıqdan, ümumbəşəri dəyərlərə sahib çıxmaqda, dinlərarası və mədəniyyətlərarası dialoqu daim inkişaf etdirməkdən əhəmiyyətli dərəcədə asılıdır. Məhz bu sahədə həyata keçirilən səmimi əməkdaşlıq, gerçək həmrəylik dünyamızdakı bütün sivilizasiyaları xilas edə, onları qarşıdurmadan uzaqlaşdıraraq uzlaşma fonunda inkişaf etdirməyə imkan verə bilər”. Seymur ƏLİYEV  

Hamısını oxu
Gəncəyə raket hücumu Rusiyanın vasitəçiliyi ilə aparılmış danışıqlara hörmətsizlik və erməni faşizminin növbəti təzahürüdür.

Azərbaycan Respublikası Müharibə, Əmək və Silahlı Qüvvələr Veteranları Təşkilatı Ermənistan silahlı qüvvələrinin Azərbaycanın cəbhə bölgəsindən kənarda yerləşən Gəncə şəhərini müxtəlif növ silahlardan atəşə tutması nəticəsində qadın və uşaqların həlak olması və xəsarət alması hallarına dair BƏYANATI Oktyabrın 10-da saat 12:00-dan etibarən tərəflər arasında humanitar məqsədləri əks etdirən atəşkəs rejiminin elan olunmasına baxmayaraq Ermənistan əhalinin sıx məskunlaşdığı Gəncə şəhərinin mərkəzi hissəsində yerləşən çoxmənzilli yaşayış binasını raket atəşinə tutmuşdur. “Oktyabrın 11-də gecə saat 2:00 radələrindən etibarən cəbhə zonasından kənarda yerləşən Gəncə şəhərinə təcavüzkar Ermənistan silahlı qüvvələri tərəfindən ağır artilleriya qurğuları və raketlərdən açılan atəş nəticəsində mülki əhalinin qəsdən hədəf seçilərək qətlə yetirilməsi davam etməkdədir. Azərbaycan hərbi təcavüzə məruz qalmış ölkə olmasına baxmayaraq, beynəlxalq ictimaiyyətin atəşkəslə bağlı çağırışlarını qəbul etdi. Ermənistanın atəşkəsi kobud şəkildə pozaraq Gəncədə törətdiyi bu terror hadisəsi toqquşmaların gərginləşdirməsinə sübutdur, erməni siyasi-rəhbərliyinin vandal əməllərinin növbəti təzahürüdür. Təəssüflər olsun ki, Ermənistanın hərbi və insanlığa sığmayan cinayətləri hələ də cəzasız qalmaqdadır. Azərbaycanın ikinci ən böyük şəhəri olan Gəncədə azərbaycanlılara qarşı baş verən erməni təxribatı vəhşiliyin, vandal davranışın və uşaq qətllərinin bariz nümunəsidir. Beynəlxalq humanitar hüququn norma və prinsiplərinə, eləcə də atəşkəsə məhəl qoymayan Ermənistanın bu qeyri-insani davranışlarına beynəlxalq ictimaiyyət lazımi qiymət verməlidir.. Azərbaycan əhalisinə qarşı soyqırım və müharibə cinayətləri törədən Ermənistan silahlı qüvvələrini dərhal dayandırmaq mənəvi öhdəlikdir. Biz, Azərbaycan Respublikası Müharibə, Əmək və Silahlı Qüvvələr Veteranları Təşkilatı olaraq Azərbaycan xalqına qarşı bu vəhşi hərəkətləri qəti şəkildə pisləyirik, Ermənistan tərəfinin Azərbaycanın mülki əhalisini məqsədli şəkildə hədəf seçərək canlarına qəsd edilməsi ilə nəticələnən müharibə cinayətlərinə son qoymasını, BMT Təhlükəsizlik Şurasının qətnamələrinə uyğun olaraq Ermənistandan öz qoşunlarını Azərbaycan ərazilərindən çıxarmağı tələb edirik. Azərbaycanın ikinci ən böyük şəhəri olan Gəncənin raket atəşinə tutulmasını, azərbaycanlılara qarşı baş verən erməni təxribatını, vəhşiliyini, vandal davranışını nəzərə alaraq dünya ictimaiyyətini lazımlı qərarlar qəbul etməyə çağırırıq. Sizlərdən də qətiyyətli addımlar ataraq, bu terrorçu əməllərin qarşısının alınması istiqamətində təcavüzkara layiqli şəkildə münasibət bildirmənizi  xahiş edirik. AzərTac

Hamısını oxu
“Bəzən bir sənət əsəri vətəni cild-cild kitablardan daha çox tanıdır və sevdirir”

Məşhur Məmmədov: “Qarabağla bağlı animasiya filmlərinin çəkilməsi bu diyarı uşaqlara erkən yaşlarından tanıtmaq baxımından böyük əhəmiyyətə malikdir”   Məlum olduğu kimi, Mədəniyyət Nazirliyi Qarabağla bağlı animasiya filmlərinin çəkilməsinə qərar verib. Filmlərdə Qarabağın tarixi, mədəniyyəti, xalqımızın qəhrəmanlıq tarixi ilə bağlı məqamlar yer alacaq.   Mövzu ilə bağlı Moderator.az-a açıqlama verən millət vəkili Məşhur Məmmədov bu cür filmlərin uşaqlara vətəni erkən yaşlarından tanıtmaq və sevdirmək baxımından mühüm əhəmiyyətə malik olduğunu bildirib:   “Qarabağ, onun təbliği və tanıdılması ilə bağlı atılan hər bir addım, görülən hər bir iş mühüm əhəmiyyətə malikdir. Biz tariximizi, mədəniyyətimizi bilmədən onu sevə bilmərik. Sevdirmək üçün isə sadəcə gənclər və yeniyetmələr arasıdna deyil, uşaqlar arasında da düzgün iş aparmalı, onlara erkən yaşlarından vətənimizi, onun gözəlliklərini, qəhrəmanlıq tariximizi tanıtmalıyıq. Unutmaq olmaz ki, uşaq yaddaşında yer alan hər bir məlumat həmin insanın xatirəsində, düşüncəsində, ruhunda həmişəlik iz qoyur, onun üçün həmişəlik doğma və unudulmaz olur. Bu baxımdan Mədəniyyət Naizlriyinin dəstəyi ilə animasiya filmlərinin hazırlanması olduqca faydalı və əhəmiyyətlidir.   Ümumiyyətlə, Qarabağla bağlı istənilən bədii əsər, yaxud musiqi əsəri, mədəniyyət və incəsənət nümunəsi böyük təbliğati əhəmiyyətə malikdir. Bəzən bir sənət əsəri vətəni cild-cild kitablardan daha çox tanıdır və sevdirir. Sizə bir nümunə deyim. Məşhur “Qarabağ” mahısı hər bir azərbaycanlıya yaxşı məlumdur. Bu mahnıda Qarabağ, vətən torpağı, onun müqəddəsliyi ilə bağlı qəlbə, ruha hopacaq böyük, nəhayətsiz sevgi var. Bu mahnı səslənəndə Azərbaycanımızın harasında yaaşmasından asılı olmayaraq, hər bir insan özünü qarabağlı kimi hiss edir. Bu faktın özü bir sənət əsərinin necə böyük təsir qüvvəsinə malik olduğunu göstərir. Odur ki, Mədəniyyət Nazirliyinin təşəbbüsü ilə Qarabağla bağlı animasiya filmlərinin çəkilməsi də olduqca faydalı və təqdirəlayiqdir. Bu cür filmlər uşaqların doğma Azərbaycanımızın bir hissəsi olan Qarabağı daha yaxından tanıması, onu daha dərindən sevməsinə böyük töhfə verəcək”.   Seymur ƏLİYEV

Hamısını oxu