İbrahim Quliyev: “Bu təklifin reallaşması faşizmə qarşı mübarizədə həlak olan soydaşlarımızın ruhuna ehtiram baxımından da arzuedilən olardı” Gələn il faşizm üzərində qələbənin 75 illiyi bütün dünyada qeyd ediləcək. Bu tarixi qələbədə Azərbaycan xalqının göstərdiyi fədakarlıqlara diqqət çəkən Respublika Veteranlar Təşkilatının sədr müavini, polkovnik Cəlil Xəlilov ölkəmizin bu müharibədə iştirakçılığını, habelə göstərdiyi qəhrəmanlıqları əks etdirən muzeyin yaradılması təklifi ilə çıxış edib. C.Xəlilovun fikrincə, belə bir muzeyin yaradılması Azərbvaycanın bütün bəşəriyyət qarşısındakı tarixi xidmətlərini əyani şəkildə nümayiş etdirməklə yanaşı, gənc nəslin hərbi vətənpərvərlik tərbiyəsi baxımından da mühüm rol oynaya bilər. Moderator.az-a açıqlamasında məlum təklifə münasibət bildirən Milli Aviasiya Akademiyası hüquqşünaslıq kafedrasının müdiri, hüquq elmləri doktoru, professor İbrahim Quliyev bu təklifi yüksək qiymətləndirdiyini vurğuladı: “Düşünürəm ki, bu, dəyərli və səmərəli təklifdir. 25 ildən artıqdır ki, bizim ərazimizin 20%-i işğal altındadır. 1 milyon 200 min nəfəlik qaçqını, məcburi köçkünü olan bir ölkədə vətənpərvərlik tərbiyəsi müstəvisində işin aparılması olduqca vacibdir. Belə bir muzeyin yaradılması vətənpərvərlik təbliğatı baxımından əyani vəsait kimi də mühüm əhəmiyyət kəsb edər. Bu,  həm də II Dünya Müharibəsində, faşizmə qarşı mübarizədə  həlak olan soydaşlarımızın ruhlarına bir hörmət, bir ehtiram olardı.  Bu səbəbdən də mən bunu çox dəyərli bir təklif hesab edirəm. Mən ümumiyyətlə Cəlil müəllimin fəaliyyətini yüksək qiymətləndirirəm. C.Xəlilov ictimai təşkilatlar içərisində hərbi vətənpərvərlik təbliğatı baxımından böyük işlər, mühüm layihələr həyata keçirən, bu sahədə xüsusilə fərqlənən bir insandır. O, tez-tez gənclər arasında, tələbələr arasında olur, onların arasında bu yöndə çox ciddi iş aparır. Cəlil müəllim ölkə başçısının hərbi vətənpərvərlik təbliğatı ilə bağlı siyasətini praktiki olaraq həyata keçirən dəyərli insanlarımızdandır. Mən ona bu şərəfli fəaliyyətində uğurlar arzulayıram”.   Seymur ƏLİYEV 

Torpaq uğrunda ölən varsa, Vətəndir. Uğrunda ölməyə hazır olduğumuz torpağı düşmən tapdağından vuruşa-vuruşa, qanımız axıdaraq azad etdik. 19 yaşlı Misir Axundov Füzuli-Cəbrayıl istiqamətində gedən döyüşlərdə müharibənin beşinci günündə yaralanıb və ağır şəkildə xəstəxanaya çatdırılıb. Torpaqları işğaldan azad edən müzəffər ordunun hər bir fərdi kimi o da bu döyüşlərdə iştirak etməyindən qürur və fərəhlə danışır. Tək təəssüf etdiyi məqam isə bu şanlı mübarizədə axırıncı günə kimi iştirak edə bilməməsi, əsgər yoldaşlarının yanında olmamasıdır.  Elcan Vahabzadə də torpaqlarımızın azadlığı uğrunda canından keçməyə hazır olan gənclərdəndir. Döyüşlər başlayan vaxt o, Gölgöldəki hərbi hissədə 3 ay idi ki, xidmət edirdi. Sentyabrın 27-dən başlayan Murovdağ silsiləsi uğrunda gedən döyüşlərdə iştirak edən əsgərimiz Kəlbəcər istiqamətində yaralanıb.    Azərbaycan Televiziyası hər iki qazimiz haqqında süjet hazırlayıb.  Həmin süjeti təqdim edirik:  

Müharibə, Əmək və Silahlı Qüvvələr Veteranları Təşkilatının sədri, hərbi-siyasi ekspert, polkovnik Cəlil Xəlilov görkəmli ictimai-siyasi xadim, məşhur diplomat Hüseyn Quliyevi 80 illik yubiley münasibətilə təbrik edib. Təbrik mətnində deyilir: "Hörmətli Hüseyn bəy! Sizi Müharibə, Əmək və Silahlı Qüvvələr Veteranları Təşkilatı olaraq 80 illik yubileyiniz münasibətilə təbrik edir, Sizə uzun ömür, cansağlığı, ictimai-siyasi fəaliyyətinizdə uğurlar arzulayırıq. Sizin ömür yolunuz, siyasi fəaliyyətiniz, dövlətimiz və xalqımıza sonsuz sədaqətiniz, milli maraqlarımızın müdafiəsi uğrunda apardığınız mübarizə, bu mübarizədə sərgilədiyiniz fədakarlıqlar hər bir Azərbaycan gəncinə örnək, gələcək nəsillərə nümunədir. Təsadüfi deyil ki, uzun illər ərzində milli mənafeyimiz uğrunda apardığınız mübarizə, ortaya qoyduğunuz təkrarsız xidmətlər Azərbaycan dövləti tərəfindən də daim yüksək qiymətləndirilib. Sizin 9 iyul 2019-cu ildə Azərbaycan Respublikasının Prezidenti İlham Əliyev tərəfindən Azərbaycan Respublikasının diplomatik xidmət orqanlarında səmərəli fəaliyyətinə görə 2-ci dərəcəli “Vətənə xidmətə görə” ordeni ilə təltif edilməyiniz bunun ən böyük isbatıdır. 22 iyun 2026-cı ildə Azərbaycan Respublikasının diplomatik xidmət orqanlarında uzunmüddətli səmərəli fəaliyyətinə görə 1-ci dərəcəli “Vətənə xidmətə görə” ordeni ilə təltif edilməyiniz dövlətimizin diplomatik sferadakı xidmətlərinizi yüksək səviyyədə dəyərləndirdiyini, bu xidmətləri diqqətdən kənarda qoymadığını göstərir. Bütün bu faktlar sübut edir ki, siz Ümummillli Lider Heydər Əliyev siyasi kursuna, Prezident İlham Əliyevin tövsiyyə və tapşırıqlarına uyğun olaraq dövlətimizin maarq və mənafeyini hər zaman ləyaqətlə qorumuş, atanız Rzaqulu Quliyevin irsinə övlad olaraq da daim sadiq qalmısınız. Hörmətli Hüseyn bəy! Sizin xalqımız və türk dünyası qarşısında mühüm xidmətlərinizdən biri də Azəbaycanıa Özbəkistan arasında siyasi-diplomatik və mədəni əlaqələrin inkişafına böyük töhfə verməyiniz, bu müstəvidə mühüm addımlar atmağınızla bağlıdır. Məhz Sizin Azərbaycan Respublikasının Özbəkistan Respublikasında fövqəladə və səlahiyyətli səfiri çalışdığnız dönəmdə iki dövlət arasında siyasi-mədəni əlaqələr sürətlə inkişaf etmiş, mahiyyət etibarilə yeni mərhələyə yüksəlmişdir. Elə bunun nəticəsidir ki, 22 iyun 2026-cı ildə Özbəkistan Prezidenti Şavkat Mirziyoyev tərəfindən “Mehnat şuxratı” ordeni ilə təltif edilmiş, Azərbaycan-Özbəkistan münasibətlərinin inkişafındakı xidmətləriniz yüksək qiymətləndirilmişdir. Qürurvericidir ki, siz ömrünüzün 80 illik zirvəsində qərar tutduğunuz bugünkü gündə də xalqımız və dövlətimiz naminə əzmlə çalışmaqda, respublikamızın inkişafına böyük töhfələr verməkdəsiniz. Əminik ki, Sizin gələcək fəaliyyətiniz çoxsaylı uğurlar, böyük müvəffəqiyyətlərlə yadda qalacaq, doğma Azərbaycanımızın inkişafına təkan verəcək. Ad gününüz mübarək olsun!" Müharibə, Əmək və Silahlı Qüvvələr Veteranları Təşkilatının sədri Polkovnik Cəlil Xəlilov